నలభై ఏండ్లు దాటిన వారు బరువు తగ్గాలంటే చాలా కష్టమైన పని. అయితే మన నిపుణులు చెప్పిన విధానాలు అనుసరించడం వల్ల ఖచ్చితంగా బరువు తగ్గడం సాధ్యమే అని అంటున్నారు. ఖచ్చితమైన జీవన విధానం, చేసే పనుల ద్వారా బరువు తగ్గే అవకాశం ఉందని అంటున్నారు. నలభై సంవత్సరాలు దాటిన వారు ఖచ్చితంగా బరువు తగ్గడానికి ఈ చిట్కాలు బాగా పని చేస్తాయి. ఇక అవేంటో చూద్దాం.
కూరగాయలు మరియు సలాడ్స్:
మీరు తినేటప్పుడు సగం ప్లేట్ నిండా కూరగాయలు మరియు సలాడ్స్ వేసుకుని తినండి. అలాగే మాంసం మరియు ధాన్యాలు కూడా చాలా ముఖ్యం.
పండ్లు, కూరగాయలలో క్యాలరీలు తక్కువగా ఉంటాయి. విటమిన్స్, మినరల్స్ సమృద్ధిగా ఉంటాయి. ఫైబర్ ఎక్కువగా ఉండే ఆహారం తనడం వల్ల జీర్ణశక్తి మెరుగవుతుంది. దీనివల్ల సులభంగా బరువు తగ్గొచ్చు. అలాగే ఆహారం అతిగా తీసుకోవద్దు.
భోజనం చేయడం మానేయద్దు:
 |
| Photo by Cats Coming from Pexels. weight loss |
మంచి ఆహారం తీసుకోవడమే కాకుండా మధ్యలో ఆహారం తీసుకోవడం మానేయకుండా ఉండడం చాలా ముఖ్యం. రోజూ క్రమం తప్పకుండా గ్యాప్ ఇచ్చి ఆహారం తీసుకోవడం వల్ల క్యాలరీలు త్వరగా కరిగిపోతాయి. ఇంకా స్నాక్స్ లాంటివి తినడానికి ఉండే టెంప్టేషన్ కూడా పోతుంది.
భోజనం మానేయడం వల్ల మీరు పోషక పదార్థాలని కోల్పోతూ ఉంటారు. దీని వల్ల ఆరోగ్యంగా మీరు ఉండలేరు. కాబట్టి మీరు ఏ ఆహారం ని కూడా మధ్యలో దాటవేయడం చేయొద్దు.
అల్పాహారం తప్పనిసరి:
అన్నిటి కంటే ముఖ్యమైనది అల్పాహారం(Breakfast). చాలా మంది అల్పాహారాన్ని మానేస్తారు. ఇది నిజంగా చెడు అలవాటు. అలా ఎప్పుడూ చేయకూడదు. ప్రతి రోజూ అల్పాహారం(breakfast) తినడం కూడా చాలా అవసరం అని చెప్తున్నారు నిపుణులు. ఉదయాన్నే ఫ్రూట్స్ తో పాటు ఓట్ మీల్ లేదా బ్రెడ్ వంటివి తీసుకుంటూ ఉండాలి. దీని వల్ల ఉదయాన్నే ఆకలి వేయదు. ఇది ఇలా ఉంటే అనారోగ్యకరమైన ఆహారం తీసుకోవడం లాంటివి చేయొద్దు. ఇవి కూడా చాలా ముఖ్యం. కాబట్టి వీటిని కూడా మర్చిపోకుండా అనుసరించండి.
వీలైనంత ఎక్కువ నీరు తాగండి:
మనం ఆరోగ్యంగా ఉండడానికి మంచి ఆహారం ఎంత అవసరమో నీళ్లు కూడా అంతే అవసరం. బరువు తగ్గడానికి నీరు కూడా ప్రధాన పాత్ర పోషిస్తాయి. శరీరాన్ని హైడ్రేట్ గా ఉంచడం చాలా మంచిది.
నీళ్లు తాగడం వల్ల శరీరంలో ఉండే చెడు మలినాలు బయటికి విసర్జించబడతాయి. సమయానుసారం నీళ్లు తాగడం వల్ల ఆకలి కూడా ఉండదు. ప్రతి రోజు కనీసం రెండు లేదా మూడు లీటర్లు నీళ్లు తాగడం మరవద్దు. అన్నం తినే ముందు నీళ్లు తాగినట్లయితే కడుపు నిండుగా ఉండి మీకు తక్కువ ఆకలి కలిగేలా చేస్తుంది.
వ్యాయామం చేయండి, హుషారుగా గా ఉండండి:
క్రమం తప్పకుండా వ్యాయామం చేయడం కూడా చాలా మంచిది. అధిక కొవ్వును తగ్గించడంలో ఇది బాగా ఉపయోగపడుతుంది. అదే విధంగా మీరు బరువు కూడా తగ్గవచ్చు. హార్ట్ రేట్‌ని కూడా ఇది పెంచుతుంది. అదే విధంగా కొవ్వుని కరిగిస్తుంది.
రోజూ కనీసం 30 నుండి 45 నిమిషాలు వ్యాయామం చేయండి. ఒకవేళ ఏవైనా గాయాలు లేదా ఇతర ఇబ్బందులు ఉంటే యోగా లేదా వాకింగ్ లాంటివి చేయండి. ఇలా వీటిని అనుసరించయినా మీరు బరువు తగ్గొచ్చు.
ఇవి 40 ఏళ్ళు పైబడిన వారు బరువు తగ్గడం కోసం ఆరోగ్య నిపుణులు అందించిన చిట్కాలు.
క్రమం తప్పకుండా మీరు ఈ చిట్కాలను ను అమలు చేయండి. ఇలా చేయడం వల్ల 40 ఏళ్లు దాటిన వాళ్ళు ఖచ్చితంగా బరువు తగ్గగలుగుతారు. ఆరోగ్యంగా, ఆనందంగా జీవిస్తారు.
గమనిక: ఆరోగ్య నిపుణులు, అధ్యయనాల ప్రకారమే ఈ వివరాలను అందించాం. ఈ సమాచారం కేవలం మీ అవగాహన కోసం మాత్రమే. ఆరోగ్యానికి సంబంధించిన ఏ చిన్న సమస్య వచ్చినా వైద్యులను సంప్రదించడమే ఉత్తమమైన మార్గం. గమనించగలరు.
0 కామెంట్‌లు:
కామెంట్‌ను పోస్ట్ చేయండి